Jeep "Yuventus"ga to'laydigan hamkorlik pulini oshirdi

Yangi shartnomaga ko'ra turinliklar 2019/20 va 2020/21 yilgi mavsumda 42 million evro oladi.

Bu shartnoma jamoaning muvaffaqiyatli o'yinlari va brendning "Yuventus" orqali ommaviylashtirish bilan bog'liq.

SHuningdek, "Yuventus" bonus sifatida yana mablag'larni qo'lga kiritishi mumkin. Jeep o'tgan mavsumda turinliklarga 17 million evro to'lagan, bundan tashqari 3 million evro va 1 million avtomobillar uchun pul ajratilgan.

Tomonlar o'rtasida 2012 yilda tuzilgan shartnomaning qolgan bandlari o'zgarishsiz qolmoqda.

"Yuventus"ning Jeep bilan tuzgan shartnomasi 2021 yilda o'z yakuniga etadi, ammo tomonlar allaqachon shartnomani uzaytirish bo'yicha muzokaralarni boshlab yuborishgan.