JCHga chiqqan Osiyo jamoalari FIFA kunlarini qanday o'tkazishdi?

Ayniqsa jahon chempionatida ishtirok etuvchi jamoalar uchun o'tkazilgan o'rtoqlik o'yinlari muhim ahamiyatga ega bo'ldi. Xabaringiz bor, Rossiyada bo'lib o'tadigan navbatdagi mundialda tarixda birinchi marta OFKdan 5ta jamoa qatnashadi.

Ushbu jamoalar ham FIFA kunlaridan unumli foydalangan holda ularning har biri ikkitadan o'yinda maydonga tushdi. Beshta jamoa jami o'nta o'yin o'tkazgan bo'lsa, birgina Eron g'alabaga erishdi. Forslar Jazoirni 2:1 hisobida mag'lub etishdi. Osiyodan jahon chempionatida qatnashadigan boshqa hech bir jamoa g'alaba qozona olmadi.

AVSTRALIYA
Avstraliya terma jamoasi FIFA kunlarida Norvegiya va Kolumbiyaga qarshi bahs olib bordi. Bert van Marveyk shogirdlari Norvegiyaga 1:4 hisobida imkoniyatni boy berishdi va Kolumbiya bilan 0:0 o'ynashdi.

23 mart. Avstraliya - Norvegiya 1:4
27 mart. Avstraliya - Kolumbiya 0:0

Avstraliya Jahon chempionatida "S" guruhidan joy olgan va Franciya, Peru hamda Daniyaga qarshi bahs olib boradi.

YAPONIYA
Yaponiya mart oyidagi ilk o'rtoqlik uchrashuvini Afrika vakili Maliga qrashi o'tkazib 0:0 o'ynadi. Keyingi bellashuvda esa Ukraina bilan bahs olib bordi va bunda 1:2 hisobida yutqazib qo'ydi.

23 mart. Yaponiya - Mali 0:0
27 mart. Yaponiya - Ukraina 1:2

Yaponiya jahon chempionatida "H" guruhida Polsha, Senegal va Kolumbiyaga qarshi maydonga tushadi.

JANUBIY KOREYA
Janubiy Koreya futbolchilari har ikkala o'rtoqlik uchrashuvini Evropa jamoalariga qarshi o'tkazdi. Ikkala o'yinda ham imkoniyantni boy bergan koreyaliklar birinchisida SHimoliy Irlandiyaga 1:2 va ikkinchisida Polshaga 2:3 hisobida yutqazib qo'yishdi.  

24 mart. Janubiy Koreya - SHimoliy Irlandiya 1:2
27 mart. Janubiy Koreya - Polsha 2:3

Janubiy Koreya mundialda o'z o'yinlarini "F" guruhida Germaniya, Meksika va SHveciyaga qarshi o'tkazadi.

SAUDIYA ARABISTONI
Saudiya Arabistoni ham FIFA kunlaridan unumli foydalanishga harakat qildi. Saudiyaliklar ham Evropa jamoalariga qarshi ikkita bahs o'tkazishdi. Dastlab jamoa Ukraina bilan 1:1 o'ynadi va ikkinchi bellashuvda Belgiyaga 0:4 hisobida mag'lub bo'ldi.

23 mart. Saudiya Arabistoni - Ukraina 1:1
27 mart. Saudiya Arabistoni - Belgiya 0:4

Saudiya Arabistonida jahon chempionatida "A" guruhidan o'rin egallagan va o'z o'yinlarini Rossiya, Misr va Urugvayga qarshi o'tkazadi.

ERON
Eron terma jamoasi jahon chempionatiga jiddiy tayyorgarlik ko'rmoqda. Karlush Keyrush shogirdlari FIFA kunlarida Afrikaning ikkita jamoasiga qarshi maydonga tushishdi. Tunis bilan o'yinda 0:1 hisobida mag'lub bo'lgan forslar keyingi bahsda Jazoirdan 2:1 hisobida ustun kelishdi.  

23 mart. Eron - Tunis 0:1
27 mart. Eron - Jazoir 2:1

Eron jahon chempionatida "B" guruhidan joy olgan va Portugaliya, Ispaniya va Marokashga qarshi o'z o'yinlarini o'tkazadi.