Javohir Sohibov: "Kelasi yili boshqacha jamoa bo'lamiz"

Ushbu turda Toshkentning ikki jamoasi "Paxtakor" hamda "Obod" klublari o'zaro bellashishdi. SHiddatli kechgan uchrashuvda tomonlar murosa yo'lini tanlashdi (1:1). Ushbu bahsdan so'ng "Paxtakor" klubi futbolchisi Javohir Sohibov o'yin haqida o'z fikrlarini bildirdi.

"Bugun juda ham hayajonli uchrashuv bo'ldi. "Obod" jamoasi ham bizga qarshi yaxshi o'yin ko'rsatdi. Ikkinchi bo'limda bir qancha xavfli vaziyatlarni yaratdik, afsuski ulardan unumli foydalana ololmadik. G'alaba qozonishimiz kerak bo'lgan uchrashuvda durang natija qayd etdik.  Kelasi yili boshqacha jamoa bo'lamiz. Bu yil zaxira o'rindig'imizda ham unchalik kuchlilar joy olmadi. Asosan yosh futbolchilarga ko'proq imkoniyatlar berildi. Kelasi yil faqat chempionlik uchun kurash olib boramiz", - deydi "Paxtakor" klubi futbolchisi Javohir Sohibov.

Jahongir Sotvoldiev