Jamshid Saidov: "Yaxshi jamoa tuzish uchun kamida 2-3 yil vaqt kerak"

- Uchrashuvning ikkinchi bo'limidagi tezkor gollar bizni sindirib qo'ydi. Birinchi bo'limda yaxshi o'ynagandik. Ammo uchta qo'pol xato bizga qimmatga tushdi. Bu bizning birinchi yirik mag'lubiyatimiz bo'ldi. Himoya chizig'imizda bir qator kuchli, yaxshi futbolchilar bor. Sardor Rahmonov ham yaxshi himoyachi. Bizni oldinda O'zbekiston kubogi doirasidagi juda muhim bellashuv kutib turibdi. "Buxoro" futbolchilarining barchasi yurakdan o'ynamoqda. To'g'ri, kimdir ko'ngildagidek harakat qila olmagandir. Jamoamiz o'tgan yili oliy ligada jon saqlab qolish uchun kurashgandi. Bu yilgi natijalar esa yomon emas. Hozir esa kuchli beshlikda boryapmiz. Yaxshi jamoa tuzish uchun kamida 2-3 yil vaqt kerak. Biz ushbu bellashuvga astoydil tayyorgarlik ko'rgandik. Asosan qarshi hujumlar orqali o'ynashga harakat qilgandik. Ammo bugun raqib bizga imkon bermadi.