Jalil Kimsanov : “Andijonda ham gol urishga harakat qilaman”

Biz mashg'ulotlar paytida astoydil ishlayotgan himoyachi Jalil Kimsanovni suhbatga tortdik.

- Jalil avvalo sizni Nasaf darvozasiga urgan golingiz bilan tabriklaymiz. Bu sizni chempionatdagi dastlabki golingiz edi.
- Ha bu yil hisobidan endi gol urdim. Muxlislarga ozgina bo'lsa ham quvonch ulashganimdan xursandman. Muxlislarimiz shunday qo'llab turishsa Andijonda ham gol urishga harakat qilaman.

- Siz aslida himoya chizig'i vakilisiz...
- To'g'ri men himoyachiman, lekin hozirgi zamonaviy futbolda hamma bir tanu bir jon bo'lib maydonda xarakat qilsagina natijaga erishish mumkin. Ayniqsa biz qanot himoyachilarga murabbiyimiz tomonidan hujumni qo'llab quvvatlash vazifasi beriladi. Standart vaziyatlarda esa markaziy himoyachilarimiz ham hujumga o'tishadi. Lozim bo'lgan vaqtlarda himoyada hujumchilarimiz ham erdam berishadi.

- Jamoaning o'yinlari ancha mazmun kasb etmoqda. Lekin muxlislarga natija kerak. Nima deb o'ylaysiz sizlarga nima etishmayapti?
- Ha mavsum boshidagi o'yinlarimizga nisbatan jamoadoshlarim bilan bir-birimizni ancha yaxshi tushunyapmiz. O'yinimiz ancha qovushib qoldi. Manimcha bizga yaratilgan vaziyatlarni golga aylantirishda biroz omad etishmayapti. Muxlislarimizga vada beraman yaxshi natijalarga ham erishadigan kunlarimiz yaqin. Menga o'xshagan qo'qonlik o'yinchilar hammadan ham ko'proq istaymiz g'alab qozonishni. Biz ham muxlislarimizni xursand xolda ko'rishni juda xohlaymiz.  

- Sizga navbatdagi o'yinlarda omad tilayman. Suhbatingiz uchun rahmat!

Akramjon Mamadaliev suhbatlashdi.