Ixtiyor Toshpo'latov: “Bo'lajak mavsumda ham "So'g'diyona"da qolmoqchiman”

U jamoa safida 5ta golga mualliflik qildi va jamoa uchun asosiy bo'lgan g'alabalarni keltirdi. Hozirgi kunda futbolchi “So'g'diyona” tarkibi bilan yig'inda ishtirok etmoqda. Ixtiyor Toshpo'latovning keyingi faoliyati haqida qiziqdik va u saytimiz uchun intervyu berdi.

- “So'g'diyona” mening faoliyatimda burulish yasagan jamoa. Men bu jamoa bilan yanada o'yinlarimni kuchaytirdim va o'z ustimda ishlashda davom etdim. Davron Fayziev boshchiligidagi jamoa bilan bir oiladekmiz. Davron Fayzievga  menga ishongani uchun katta rahmat aytmoqchiman. Ishonchini oqladim degan umiddaman. Albatta, ko'pchilik jamoani tark etdi va menga ham keyingi faoliyatim haqida ko'plab savollar bo'ldi.
Mening amaldagi shartnomam “Mashal” jamoasi bilan bo'lsa-da, “So'g'diyona” tarkibida faoliyatimni davom ettirmoqchiman. Ushbu jamoaga yordam berishga tayyorman, ammo buning uchun ikki klub o'zaro kelishishlari kerak. Agar bo' masala hal bo'lsa, o'yinimni o'z viloyatim jamoasida davom ettirib, jizzaxlik muxlislarni xursand qilmoqchiman", - deydi Toshpo'latov.

Dildora Xolboeva