Ivan Boshkovich: "Ob-havo ham o'yinga tasirini o'tkazdi"

- Bahs shunday o'tishini kutgandik. Biz raqib zich himoya bilan o'ynashini bilardik va uni engib o'tish bo'yicha tayyorlangandik. Vaziyatlarimizni yaratdik va gollar urdik. Ammo, baribir vaziyatlardan foydalanishda oqsamoqdamiz. Oxirida asabiy o'yin bo'lmasligi uchun ko'proq gol urishimiz mumkin edi. Raqib ikkinchi golga qadar tezkor qarshi hujumlar orqali to'p kiritishga harakat qildi va hatto xavfli vaziyatlar ham yuzaga keltirdi. Ammo, aytishim mumkinki, biz to'liq 90 daqiqa davomida o'yinni nazorat qildik. Bunday o'yinlarni ertaroq va xotirjamroq tugatish kerak. Yigitlarimni tabriklayman. Hali ishlaydigan jihatlarimiz ko'p. Realizaciya yaxshiroq holatda bo'lishi kerak. Golga tortadigan vaziyatlar juda ko'p. Biroq asosiysi g'alaba. Jadvalda biroz bo'lsa-da, ko'tarildik. Biz hali ham biz kutgan joyda emasmiz. Oldinda o'yinlar juda ko'p. Bu yigitlar oxirigacha kurashadi. Jamoam yaxshi futbol namoyish qilmoqda. Yangi futbolchilarni rivojlantiryapmiz.  Yangi futbolchilarimdan ko'p narsani kutyapman. 

5 kundan keyin mehmonda "Paxtakor" bilan o'ynaymiz va bu o'yinda g'alaba uchun maydonga tushamiz. Doim g'alaba uchun kurashamiz, hozir yaxshi holatdamiz va ortga yo'l yo'q. Faqat oldinga!

- Ob-havo bugun o'yinga o'z tasirini o'tkazdimi? Bahs ertaroq boshlandi.

- Menimcha, ha. Ayrim epizodlardan keyin futbolchilarimning tez charchab qolganini ko'rdim. Dinamik futbol bizdan biroz qochdi. Shunda ham qo'limizdan kelgancha dinamik futbol o'ynashga harakat qildik. Biroq futbolchilarim tez-tez bo'layotgan o'yinlardan keyin kichik epizodlarda toliqishni his qilishmoqda. Ikkinchi bo'limda biroz salqin tushdi va kattaroq kuch bilan futbol o'ynadik. Albatta, bu o'yinning tasirini o'tkazdi.