Islom Isoqjonov: “Al Naft” bilan uchrashuvda qiyinchilik bilan g'alaba qozondik”

“Ayni damda “Metallurg” jamoasi bilan Turkiyadagi yig'inda ishtirok etyapman. Kuniga ikki mahaldan mashg'ulot o'tkazyapmiz. Ertalab jismoniy mashqlar bo'lsa kechki payt to'plar bilan ishlayapmiz. Hozircha hammasi reja asosida ketmoqda.

Kecha Iroqning “Al Naft” jamoasiga qarshi uchrashuvda qiyinchilik bilan g'alaba qozondik. Raqib jamoa juda ham kuchli ekan. Yaxshi tayyorgarlik, jamoaviy o'yin va ko'proq tajriba “Al Naft”ga qarshi uchrashuvda o'z so'zini aytdi. Raqib jamoaning futbolchilari juda ham tezkor to'p bilan yaxshi muomala qilishar ekan.

Yana bundan tashqari bir qator jamoalar bilan o'rtoqlik uchrashuvlarini o'tkazish rejalashtirib qo'yilgan. Nasib qilsa chempionat bahslarigacha o'z sport formamizga kirib olamiz”, - deydi Islom Isoqjonov.