Ikrom Aliboev: “O'zimni juda yaxshi xis qilyapman”

O'z vaqtida milliy terma jamoadan ham taklif olib, debyutini nishonlagan futbolchini yaqinda OTJ bilan BAAdagi yig'inga borishi tahmin qilingandi. Ammo futbolchi yig'inga chaqirilmadi. Buning sababini OTJ katta murabbiyi Viktor Jalilov futbolchining jaroxati bilan izohladi. SHundan so'ngi Aliboevning o'zi bilan suhbatlashdik.

- Ikrom, tatilni qanday o'tkazyapsiz?
- Yaxshi. Oilam davrasida xordik chiqarish bilan bir qatorda boshlanaj yig'inga o'zimni tayyorlab boryapman.

- Ochig'ini aytganda, ko'pchilik olimpiya terma jamoamizning BAAda o'tkazadigan yig'iniga chaqiruv olishingizni kutgandi. Ammo bunday bo'lib chiqmadi. Bu jaroxatingiz bilan bog'liqmidi?
- Yo'q. Xudoga shukur, ayni paytda o'zimni juda yaxshi xis qilyapman. Xech qanday jaroxat yo'q.

- Bunday deyishimizning boisi. Kuni-kecha Viktor Jalilov saytimizga bergan intervyusida Aliboevning yig'inga taklif etilmaganini jaroxati borligi bilan izohlagandi.
- To'g'risi, bu haqda bir narsa deyish qiyin. Yig'inga kimni taklif etishni avvalo murabbiylar hal qiladi. Albatta men ham ko'plab futbolchilar qatori har doim terma jamoadan chaqiruv bo'lishini intiqlik bilan kutaman va o'zimni ko'rsatishga urinaman. Lekin har qanday xolatda ham murabbiylarning qarorini hurmat qilib kelganman. Balki kelgusida nasib qilar.