"Husanov - haqiqiy monstr. U "Lans"da uzoq ushlanib qolmaydi. Tashvishlanmang, bizda Abduqodir bor"

Sizlar uchun eng asosiy joylarini tarjima qildik.

Abduqodir Husanov "Lans" asosiy himoyachisiga aylanib bormoqda. Murabbiylar shtabi va jamoadoshlari uning o'yinlaridan xursand ekanliklarini yashirishmayapti.

Yozgi transfer oynasi so'nggi kunlarida Kevin Danso "Roma"ga o'tayotgani malum bo'ldi. Ammo Dansoning yuragida muammolar aniqlangach bu transfer amalga oshmay qoldi. Danso "Lans"ga qaytdi, ammo u dastlab davolanishi lozim.

O'shanda "Lans" klubi sport koordinatori Jan-Lui Leka shunday degandi: "Tashvishlanmang, bizda Husanov bor. U tayyor". Leka adashmagandi.

"Abduqodirning potenciali juda katta. Hozir o'yin amaliyotiga ega bo'layotgani o'zi uchun ham, biz uchun ham juda foydali", - dedi "Lans" bosh murabbiyi Uill Still "Nicca"ga qarshi o'yindan so'ng. O'sha o'yinda Husanov eng yaxshi futbolchi bo'ldi.

"Husanov hayron qoldirmoqda. U yosh, ammo shunga qaramay professional darajada juda ko'plab o'yinlar o'tkazishga ulgurdi va bu o'yinlarning ko'pida juda yaxshi harakat qildi, - dedi "Lans" yarim himoyachisi Adrien Tomasson. - Uning rivojlanayotganini ko'rib turibmiz, mashg'ulotlarda juda yaxshi ishlamoqda va borini bermoqda. Yashirmayman: to'p uchun kurashda undan uzoqroqda bo'lishga harakat qilaman".

"Lans" bosh murabbiyi Uill Still: "Abduqodir xotirjam, kuchli va yuqori tezlikka ega. Ha, u francuzchada yaxshi gapira olmaydi, ammo bu unga xalal berayotgani yo'q".

"Lans" yarim himoyachisi Adrien Tomasson: "Husanov - juda ochiqko'ngil yigit. U bilan gaplashish qiyin, bu rost. Francuzchada bazi gaplar va so'zlarni biladi xolos. Maydon tashqarisida bazida bular etarli bo'lmaydi. Ammo u futbol leksikasini juda yaxshi biladi, bu eng muhimi. Maydonda barchasini tushunadi. U francuzcha o'rganmoqda, shu sabab kundan-kunga yaxshi gapirmoqda".

"Husanovning eng yaqin do'sti - ekvadorlik Joanner CHaves. Haligacha ular qanday gaplashishlariga tushunmayman!" - tan oldi Uill Still.

"Lans" darvozaboni Bris Samba: "Husanov - haqiqiy monstr. U maydonda qilayotgan ishlari... Bazida meni qo'rqitadi. U atigi 20 yoshdaligini unutmanglar. Abduqodir "Lans"da uzoq ushlanib qolmaydi deb o'ylayman".