Gyokeresh: "Chelsi"ga uchta gol ura oldik, shuning uchun mamnunman"

27 yoshli shveciyalik ushbu bahsda 1 ta gol urdi va 1 ta golli uzatmani amalga oshirdi.

"O'ylaymanki, qiyin o'yin bo'ldi. "Arsenal" yaxshi himoyalandi. "Chelsi" esa odatdagidek qarshi hujumlarda xavfli edi. Ikkita gol o'tkazib yuborganimiz achinarli, ammo biz uchta gol ura oldik, shuning uchun mamnunman.

Gol urish — men qilishim kerak bo'lgan ish va men buni yanada tez-tez bajara olaman. Bugun g'alaba qozondik va oldinga harakat qilishda davom etamiz. Javob o'yini ham bor, ammo, albatta, birinchi bahsda yutqazmasdan, ustunlikka ega bo'lish yaxshi", – dedi Gyokeresh.

Javob o'yini 3 fevral kuni "Emireyts" stadionida bo'lib o'tadi. Yana bir yarim finalda "Manchester Siti" ilk o'yinda "Nyukasl"ni 2:0 hisobida mag'lub etdi va Abduqodir Husanov mazkur bahsda eng yaxshi futbolchi deb topildi.