Gvardiola: "To'g'ri bu ECHL emas, lekin ketma-ket 4 marta Liga Kubogi finaliga chiqish yoqimli"
07 jan 2021 07:51
Yangiliklar

Gvardiola: "To'g'ri bu ECHL emas, lekin ketma-ket 4 marta Liga Kubogi finaliga chiqish yoqimli"

"Manchester Siti" jamoasi bosh murabbiyi Pep Gvardiola MYUga qarshi o'yindan so'ng (2:0) o'z fikrlarini bildirdi.

"G'alabani Kolin Bell va uning oilasiga bag'ishlaymiz (5 yanvar kuni 74 yoshida hayotdan ko'z yumgan sobiq futbolchi). MYUni safarda mag'lub etish ajoyib, biz Bell uchun shuning uchun ham harakat qildik.

Jamoa tayyor va ajoyib o'yin ko'rsatdi. Ikkinchi bo'limda biroz sustlashdik, chunki "Stemford Brij"dagi o'yindan so'ng biroz charchagandik. Ammo jamoamiz xarakterga ega va aqlbovar ishlarni amalga oshira oladi.

Bu CHempionlar ligasi emas, ammo Liga Kubogida ketma-ket to'rt marta finalga chiqish - yoqimli natija.

Finalda kerakli tartibda o'ynaymiz va o'zimizning eng zo'r formamizda bo'lamiz. "Tottenxem" ajoyib jamoa, lekin hozircha biz bu haqida o'ylayotganimiz yo'q", - dedi Gvardiola.

Havola :

Manba : Sky Sport

Yangiliklarni Telegramda o'qing!

Reyting: +20