Grizmanning "Los-Anjeles" bilan muzokaralari rivojlangan bosqichda, francuz oilaviy sabablarga ko'ra MLSga yo'l oladi. "Atletiko" bunga qarshilik qilmaydi

Mart oyining oxiriga qadar 33 yoshli forvard va "Atletiko" rahbarlari yig'ilish o'tkazadi, unda jahon chempionining kelajagi 90 foizga hal bo'ladi.

Grizmann oilaviy sabablarga ko'ra MLS klubiga o'tmoqchi. Franciyalikning Ugo Loris va Olive Jiru to'p tepayotgan "Los-Anjeles" klubi bilan muzokaralari qizg'in pallada.

"Atletiko" Antuanning 2026 yilning yoziga qadar amalda bo'lgan shartnomasiga qaramay, futbolchiga to'sqinlik qilmaydi, chunki klub va futbolchi o'rtasidagi munosabatlar sof futbol doirasidan tashqariga chiqadi va ularda o'zaro hurmat cheksiz.

Futbolchi esa o'z navbatida klubdagi so'nggi soniyalargacha jamoa uchun bor kuchini bermoqchi va madridliklarga chempionlikni qo'lga kiritishda yordam berishga harakat qiladi.

Grizmann MLSga o'tishga yaqin, ammo avval "Atletiko" bilan rasmiyatchiliklarni hal qilishi kerak.

Hujumchi joriy mavsumda 8 ta gol urdi.