Garri Nevillning fikricha, "Manchester Yunayted" Mourinoni istefoga chiqarmasligi kerak

"Angliya Kubogidagi g'alabadan so'ng Lui van Gal ishdan olingan, Moyes chempionat yakunlanishiga to'rtta tur qolganda istefoga chiqarilgan edi. Mourinoning uchinchi mavsum sindromiga oid ko'plab yangiliklarni o'qidim, ammo buning hammasi tarixning bir qismiga aylandi. Menimcha, "Manchester Yunayted" murabbiylik poziciyasida barqarorlikka erishishi lozim.

Menimcha, Mourino va Vudvord o'zaro munosabatdagi muammolarni hal qilishi kerak. Klub shaxsiy qiziqishlardan ustun turadi, hozir ichki kurash va siyosat uchun yaxshi vaqt emas. Bor-yo'g'i 3ta tur o'tdi - portugaliyalik mutaxassisning istefosini muhokama qilishga hali erta. Mourino maygacha ishlashi lozim va agar u o'z vazifasini uddalay olsa, kelasi mavsum ham jamoada qolishi mumkin" - deydi Nevill.