Futzal: O'zbekiston milliy terma jamoasi EREMni mag'lub etdi

Terma jamoamiz yig'in doirasida 2 ta nazorat uchrashuvi o'tkazadi. Har ikki o'yinda ham terma jamoamizga qo'shni Qirg'izistonning etakchi klubi – EREM raqiblik qiladi.

Bugun dastlabki bahs “Bunyodkor” akademiyasi zalida tashkil etildi. Qiziqarli tarzda kechgan o'yinda Bahodir Ahmedov ushbu yig'inga jalb etilgan barcha 18 nafar futzalchini sinab ko'rdi. Yakunda vakillarimiz 6:5 hisobida g'alaba qozonishdi.

O'zbekiston m.t.j.  – EREM (Qirg'iziston) 6:5
Gollar: Abdulla Solihov, Xushnur Erkinov (2), Ravshan Ismatullaev, Botir Rizaev, Sunnat Jo'raev – Muhsin Bashir (2), Yuldashbay Salimbaev, Saginndik Akimbaev, Beksultan Nazarov.

Ikkinchi nazorat bellashuvi esa 24 iyul kuni bo'lib o'tadi. Takidlash joiz, ushbu yig'in 26 iyul sanasiga qadar davom etadi.