Futzal. Osiyo chempionatiga tayyorgarlik davom etmoqda

Futzalchilarimiz shu yilning 6–18 fevral kunlari Xitoy Taypeyida bo'lib o'tadigan Osiyo chempionatiga tayyorgarlikni davom ettirmoqda. Bahodir Ahmedov va Nodir Eliboev ustozligida terma jamoamiz safar oldidan so'nggi yig'inni 15 yanvarda boshlagandi.

Futzalchilar “CHig'atoy” sport bazasida yashab, “Bunyodkor” futbol Akademiyasiga qarashli sport zalda mashg'ulotlar olib borishyapti. Mashg'ulotlarda kunning birinchi yarmida jismoniy tayyorgarlikka, ikkinchi yarmida esa texnik-taktik hamda standart vaziyatlardan foydalanish jihatlariga etibor qaratilyapti.

Terma jamoamiz 28 yanvar kuni o'quv-mashg'ulot yig'inlari doirasidagi so'nggi mashg'ulotlarini olib boradi. Yig'inlarda ishtirok etayotgan 18 nafar nomzod futzalchilardan bosh tarkibga kiruvchi 14 nafari tanlab olinadi va 29 yanvar kuni termamiz Xitoy Taypeyi sari safarga otlanadi.