Futzal. O'rtoqlik o'yini. Belarus – O'zbekiston - 4:2

“Mapid” sport majmuasida bo'lib o'tgan o'yinda mezbonlar 4:2 hisobida g'alaba qozonishdi.

O'rtoqlik uchrashuvi
Belarus – O'zbekiston 4:2
Gollar: - J.Anorov 2 ta

O'zbekiston (Birinchi beshtalik): Rustam Umarov, Konstantin Sviridov, Farhod Abdumavlonov, Dilshod Rahmatov, Dilshod Irsaliev.
Klim Tyugaev, Javlon Anorov, Davron CHoriev, Andrey SHlema, Ilhom Hamroev, Nodir Eliboev, Feruz Faxriddinov, Jamoliddin SHaripov, Sunnat Kuralov, Davron Abdurahmonov.

Bu ikki terma jamoa o'rtasidagi ikkinchi o'rtoqlik uchrashuvi bugun Borisov shahrida o'tkaziladi. O'rtoqlik uchrashuvlari har ikki terma jamoa uchun jahon chempionatiga yo'llanma beruvchi qita chempionatlariga tayyorgarlik vazifasini o'tab beradi.

O'zbekiston terma jamoasi Osiyo chempionatining saralash guruh bosqichida Saudiya Arabistoni, Livan va Qirg'izistonga qarshi maydonga tushadi. Belarus terma jamoasi esa Evropa chempionatining saralash guruh bosqichida Xorvatiya (10 dekabr), Ozarbayjon (11 dekabr) va SHveciya (13 dekabr) bilan hisob-kitob qiladi.

Evropa chempionatining final bosqichi Xorvatiyaning Osiek shahrida o'tkaziladi. Osiyo chempionati esa 10-21 fevral kunlari poytaxtimizda bo'lib o'tadi.

Eslatib o'tamiz, ertaga terma jamoamiz delegaciyasi Minsk shahridan Moskvaga, u erdan Dohaga yo'l oladi. 5-10 dekabr kunlari Qatar poytaxtida yig'in va ikkita o'rtoqlik uchrashuvi o'tkazish rejalashtirilgan.