Franciya - Nigeriya. PREVYU

Dastlabki ikki kunda faqat guruh g'oliblari chorak final yo'llanmasiga ega chiqishdi. Francuzlar guruh bosqichida hujumkor o'yin namoyish qilib, raqib darvozalari sari eng ko'p zarba yo'llashdi. Desham Ekvadorga qarshi bahsda 5 nafar asosiy futbolchisiga dam olish imkoniyatini yaratib berdi. Markaziy yarim himoyada kimni maydonga tushirishni Desham oxirgi pallalarda qaror qilsa kerak. Avvalgi bellashuvlarda Pogba va Sissokolardan biri Kabay hamda Matyuidi bilan birga harakat qildi. Hujumda esa Benzemaga Grizmann yoki Jiru yordam beradi.



Nigeriya esa guruh bosqichida o'rtacha taassurot qoldirdi. Bosniyani enggan jamoa Eron va Argentina bilan o'yinlarda ochko yo'qotdi. Jamoaning himoyasi bo'shligi ko'rinib qoldi. Lekin hujumda tezkor futbolchilari evaziga Franciyaga muammo yaratishi mumkin. SHunga qaramay, markazda etakchilikni o'ziga oladigan o'yinchi yo'qligi bilinib turibdi.



FRANCIYA - NIGERIYA
21:00. Brazilia. "Mane Garrincha" stadioni.
Bosh hakam: Mett Gayger (AQSH).
Taxminiy tarkiblar
Franciya: Loris - Debyushi, Koselni, Varan, Evra - Kabay, Pogba, Matyuidi - Valbuena, Jiru, Benzema.
Nigeriya: Enyama - Embrouz, Yobo, Omeruo, Oshaniva - Mikel, Onazi - Musa, Odemvingi, Uzoeni - Emenike.
Jarohat olganlar: Saxo - Babatunde, Mozes, Oboabona.
Diskvalifikaciya xavfida turganlar: Evra, Pogba - Mikel, Oshaniva, Omeruo.



Bu jamoalar shu kungacha bir bor o'rtoqlik uchrashuvida to'qnash kelib, unda Nigeriya 1:0 hisobida zafar quchgan. Franciya nimchorak finallarda umuman yutqazmagan. Nigeriya esa ikki marta ushbu bosqichdan keyin ortga qaytgan. Hozircha bu afrikaliklar uchun eng yaxshi natija hisoblanadi.

Behzod Nazarov tayyorladi.