Final qanday o'tdi?
23 noy 2021 20:41
Yangiliklar

Final qanday o'tdi?

Teglar : O'zbekiston Kubogi "Bunyodkor-W""So'g'diyona-W"

"Bunyodkor" stadioni ayollar o'rtasidagi O'zbekiston kubogining final uchrashuviga mezbonlik qildi.

Unda 18 noyabr kuni Oliy liga mavsumini yakunlab bergan 2 klub — "So'g'diyona-W" hamda "Bunyodkor-W" qizlari o'zaro kuch sinashishdi.

Poytaxt klubi ustozi Elmira G'ulomova quyidagi futbolchilarni asosiy tarkibga kiritdi.

“BUNYODKOR-W”
23. Zarina Saidova, 5. Kamola Risqieva, 6. Ayjan Bo'ronbekova, 8. Luiza Sadirova (sardor), 9. Dildora Nozimova, 10. Saida Galimova, 15. Umida Zoirova, 17. Dilrabo Asadova, 18. Yulduz Nabieva, 22. Aziza Norboeva, 27. Ilvina Ablyakimova.
Zaxiradagilar: 1. Olga Qahhorov, 12. Ziyoda Irisboeva, 11. Gulchehra Eshmamatova, 14. Marina Kosnikova, 19. Nozima Ergasheva, 20. Baxtigul Toktobolotova, 21. So'g'diyona Allamurodova, 24. Zuhra Berdieva.

“SO'G'DIYONA-W”
22. Nozima Hasanova, 3. O'g'iloy Qo'chqorova, 5. Nafisa Nabiqulova, 6. Iroda Turdialieva, 8. Rosacharne Periale, 9. Mahliyo Sarikova, 10. Fuseyna Mumuni, 13. Yulduz SHodieva, 17. Tanzila Zarbieva, 23. Diyora Habibullaeva, 99. Alberta Ahialey.
Zaxiradagilar
1. Kumushoy G'ulomova, 16. Darya Telesheva, 4. Nasiba Hojieva, 11. Mahliyo Nazarqulova, 21. Xolida Dadaboeva, 25. Ezoza SHaripova, 77. Zarina Mamatkarimova.

Uchrashuv taqdirini hal qilgan yagona gol 4-daqiqada "burilar" vakili Mumuni Fuseyna tomonidan urildi.

1-bo'lim oxirida "qaldirg'ochlar" vakilasi Dildora Nozimova to'p maydonni tark etganidan keyin Diyoraxon Habibullaevana nisbatan ishlatgan qo'polligi uchun maydondan chetlatildi.

Garchi 1 kishi kam bo'lib qolgan bo'lsa-da, "Bunyodkor" qizlari Rustam Lutfulinning o'yinni yakunlab beruvchi hushtagi chalinguniga qadar raqibga munosib qarshilik ko'rsata olishdi.

Jizzaxliklar bosh murabbiyi SHerali Boboqulov Oliy liganing so'nggi turida qizil kartochga olgani tufayli bugun texnik zonada emas, muxlislar orasida o'tirishga majbur bo'ldi. Uning o'rnini yordamchisi Gulshan SHodieva to'ldirdi.

Xullas, Jizzaxning "So'g'diyona-W" jamoasi o'z tarixida ilk bor mamlakat kubogiga ega chiqdi.

O'FA birinchi vice-prezidenti Ravshan Ermatov hamda O'zPFL bosh direktori o'rinbosari Laziz Qo'chqorov musobaqa kubogini g'olib jamoaga topshirishdi.

"So'g'diyona" — ayollar o'rtasida O'zbekiston Kubogi sohibi!

FAKT: "So'g'diyona-W" — O'zbekiston kubogini qo'lga kiritgan 5-klubga aylandi. Bunga qadar musobaqa g'olibligi "Andijanka" (4 bor), "Sevinch" (10 marta), "Metallurg" (3 karra) hamda "Bunyodkor-W" (2 marta) jamoalariga nasib qilgan edi.
O'zbekiston kubogining joriy mavsumida 4 ta uchrashuvda maydonga tushgan SHerali Boboqulov shogirdlari raqib darvozasini jami 31 marta ishg'ol qilgani holda birorta ham gol o'tkazib yuborishmadi.
"So'g'diyona-W" bu yil "Oltin dubl" qayd etdi.