Fevzi Davletov: "Nimeli haqida gapirishni istamayman. No comment"

- O'yin haqida

- Futbolchi va muxlislarn g'alaba bilan tabriklayman. Yaxshi o'yin bo'ldi. Raqib ham yaxshi harakat qildi. "Lokomotiv"ga qarshi kechgan so'ngi to'qnashuvni o'rganib chiqdik va xatolarni to'g'irladik. To'pga egalik qilish va ko'proq hujumga o'tishni maqsad qilgandik. O'z oldimizga qo'ygan vazifani yaxshi udalladik deb o'ylayman.

- Avvalgi uchrashuvlarda jamoa faqatgina bir bo'lim yaxshi o'ynayotganidan noligan edingiz. Bugungi o'yinda jamoangiz ikki bo'lim ham yaxshi harakat qildi. Jamoangiz namoyish etgan o'yindan qanchalik qoniqdingiz?

- Ikkinchi bo'limda himoyadan hujumga o'tishda juda-juda ko'p xatolarga yo'l qo'ydik. "Lokomotiv"ga qarshi bahsda naqd 14ta keraksiz xatolar qildik. Bugungi uchrashuvning 30-daqiqasida ham bunday xatolar qildik. Raqib ham bugun yaxshi o'ynadi. SHuningdek, uchrashuvga tayyorgarlik ko'rish uchun bir kun kamroq vaqtimiz bor edi.

- "So'g'diyona" jamoasi kuchli hujumchilarga ega ekanligini bilamiz. So'ngi o'yinlarda ko'p gol urayotgan Lyupche Dorievni zararsizlantirish rejasini tuzib chiqqan edingizmi?

- Doriev qaysi futbolchimizning zonasida paydo bo'lsa, o'sha futbolchi unga qarshi o'ynashi kerakligini aytgandim. Qo'shimcha reja va personal himoya bo'yicha hech qanday rejamiz yo'q edi. Kim unga yaqinroq bo'lsa, o'sha futbolchi uni yopishi kerak. Biz o'zimizning o'yinmizni yaxshilashimiz kerak. Raqib futbolchilari haqida o'ylashga vaqt yo'q.

- Silvanus Nimeli bugun qaydnomadan joy olmadi. Bunga sabab nima? U jamoadan ketadi degan xabarlar qanchalik rost?

- No comment. Keyinroq rasmiy malumot beramiz. Jamoamizning matbuot xizmati yaqin orada to'liq malumot beradi.