Feruza Jo'raboeva: “Bugun omad etishmadi, navbatdagi uchrashuvlarda g'alaba qozonishga harakat qilamiz”

Bugun yaxshi uchrashuv o'tkazdik deb o'ylayman. Bugungi mag'lubiyatga jamoamizdagi ayrim asosiy tarkib fubolchilari o'yinda ishtirok eta olmaganligi sabab bo'ldi, umuman olganda kuchli raqibga qarshi yomon o'yin o'tkazmadik. Nima ham derdik, bugun omadimiz kelmadi, navbatdagi uchrashuvlarda g'alaba qozonishga harakat qilamiz.

Bugun jamoamizning asosiy himoyachilaridan biri uchrashuvda ishtirok etolmaganligi uchun himoyada o'ynashga majbur bo'ldim. Oldimizda qiyin uchrashuvlar kutib turibdi, chempionat hali oldinda, nasib bo'lsa astoydil harakat qilib “Neftchi” ayollar jamoasini g'alabalariga o'z hissamni qo'shaman degan umiddaman. Kelajakdagi maqsadim – o'z ustida ko'proq ishlab, O'zbekiston ayollar terma jamoasida o'ynash, shuningdek Farg'onada ayollar futbolini rivojlantirishga hissamni qo'shishdan iborat.

Bekzod Tolibov yozib oldi.