Fernandu Santush: "Buni yana bir marta aytaman, Ronaldu umuman termadan ketishi haqida gapirgani yo'q"

Portugaliya bosh murabbiyi Fernandu Santush matbuot anjumanida Krishtianu Ronalduning terma jamoadan ketishi haqida chiqqan gap-so'zlarga quyidagicha munosabat bildirdi. 

"Futbolchilar xursand bo'lishi uchun doim o'zaro til topishishga harakat qilaman. Ronaldu – sardor. Men unga muhtojman. U bilan gaplashib olishga majburman. 

Mashg'ulotlarda SHveycariyaga qarshi asosiy tarkib borasida gaplashmadik. Tushlikdan so'ng nima uchun maydonga tushmasligini tushuntirdim. Bu uning uchun syurpriz bo'lmadi. Bu bizning strategiyamiz ekanligini va bu muhimligini aytdim. Uni ikkinchi taymda istalgan vaqtda tushirishim mumkinligini aytdim. Albatta, u bundan xursand bo'lmadi, ammo ko'rsatmalarimni to'g'ri qabul qildi. Ronaldu umuman termadan ketishi haqida gapirgani yo'q. Buni yana bir marta takrorlab o'tyapman.

O'yin davomida golni barcha bilan birga nishonladi. Barcha uning baxtli ekanini ko'rdi. Qandaydir ketish haqida gap bo'lgani yo'q. 

Asosiy tarkibda maydonga tushmagan istalan futbolchi xafa bo'ladi. Menimcha, bu normal holat", – dedi Fernandu Santush.