Farg'onada 2007 yilda tug'ilgan bolalar o'rtasida “Sport maktablari futbol ligasi” musobaqasi bo'lib o'tdi

Viloyatda futbolni ommaviyligini yanada oshirish, yoshlarni sportning futbol turiga jalb etish, yosh futbolchilarni mahoratlarini oshirishga ko'maklashish hamda O'zbekiston Respublikasi Prezidentining 2019 yil 4 dekabrdagi PF-5887-sonli “O'zbekistonda futbolni rivojlantirishni mutlaqo yangi bosqichga olib chiqish chora-tadbirlari to'g'risida”gi Farmonini ijrosini taminlash maqsadida joriy yilning 23-30 iyun kunlari bolalar o'smirlar sport maktablari va ixtisoslashtirilgan bolalar o'smirlar sport maktablari shug'ullanuvchilari o'rtasida “Sport maktablari futbol ligasi” musobaqasi bo'lib o'tdi.

2007 yilda tug'ilgan yoshlar o'rtasidagi mazkur bahslarda 18 ta jamoa 4 ta guruhga bo'lingan holda g'oliblik uchun kurash olib bordilar. Barcha raqiblarini mag'lubiyatga uchratgan Marg'ilon shahrining 2-bolalar o'smirlar sport maktabi tarbiyalanuvchilari 1-o'rinni egalladilar. 360 nafar ishtirokchi qatnashgan mazkur musobaqada 2-o'rinni Marg'ilon shahrining yana bir jamoasi – 1-BO'SM futbolchilari egallagan bo'lishsa, 3-o'rinlar Beshariq tumani BO'SM va Farg'ona shahar IBO'SM jamoalariga nasib qildi.

Endi 1-8 iyul kunlari musobaqaning 2006 yilda tug'ilgan yoshlar o'rtasidagi bahslar davom ettiradi.

Etiborlisi, ushbu ananaviy musobaqa Respublikamizning faqatgina Farg'ona viloyatida o'tkazilmoqda. CHunki bu viloyat hozirgi kunda “yashil” hudud deb etirof etilmoqda. Bundan tashqari viloyat futbol associaciyasi jamoasi ushbu imkoniyatdan to'liq foydalangan holda viloyat Sanitariya epidemiologiya osoyishtalik markazi bilan hamkorlikda tasdiqlangan sanitariya qoidalari va talablariga asosan rejadagi musobaqalarni o'tkazishmoqda. O'yinlarning final bosqichlari viloyat “Futbol markazi” maydonlarida tashkil etilishi belgilangan.