Eshitdik-da! "Navbahor"ga 1-davraning eng chiroyli gollaridan birini urgan futbolchi namanganliklar safiga o'tdi

Klublar tarkibni shakllantirish ishlarini davom ettirishmoqda. Zero, yurtimizda transfer oynasi yopilishiga 2 kundan kam qoldi.

Yodingizda bo'lsa, Superliga 5-turida "Navbahor" jamoasi o'z maydonida "So'g'diyona"ni qabul qilgan va 1:2 hisobida imkoniyatni boy berib qo'ygan edi. O'shanda jizzaxliklar tarkibida g'alaba to'pini 90+2-daqiqada Doniyor Abdumannopov kiritgandi. O'ng qanot chizig'i yonidan tepilgan to'p O'tkir Yusupov ustidan oshib kutilmagan golga aylangandi.

Samvel Babayan ana shu Abdumannopovni "Navbahor" tarkibiga jalb etdi. 21 yoshli vinger "lochinlar" tarkibiga borib qo'shilgan va 2-davrani "Navbahor" tarkibida o'tkazadi.

Eslatib o'tamiz, Doniyor "So'g'diyona" tarkibida 1-davrada 11ta o'yin o'tkazdi va 4ta gol urishga muvaffaq bo'ldi.

Doniyor Abdumannopov: "Navbahor"ga urgan golimga yaxshisi muxlislar tarif bersin"