Eshitdik-da! "Dinamo" Pro liga to'purarlaridan biriga jiddiy qiziqmoqda

Jamoalar allaqachon tarkibni kuchaytirish jarayonini boshlab yuborishgan.

"Championat.asia" olgan malumotga ko'ra, Vadim Abramov boshchiligidagi "Dinamo" klubi Pro liga to'purarlaridan biriga jiddiy qiziqish bildirmoqda. Gap "Do'stlik" jamoasi vingeri SHerzod Qodirov haqida ketmoqda. Samarqandliklar jamoani tark etgan Husniddin G'ofurov hamda Farruh Ikromovlarning o'rniga o'rinbosar izlamoqda. SHuning uchun ular Qodirovni olib kelishmoqchi. Futbolchi "Dinamo"dan tushgan taklif sabab Pro liga peshqadamlaridan biri "SHo'rtan"dan tushgan taklifga rad javobini bergan.

Eslatib o'tamiz, "Do'stlik" jamoasiga Aleksey Estafeev bosh murabbiy bo'lgach Pro liganing oxirgi 6 o'yinida SHerzod Qodirov 6ta gol urishga erishdi. Ayni paytda u to'purarlar poygasida 7ta to'p kiritgan "Mashal" hujumchisi Humoyun Murtazoevdan keyin ikkinchi o'rinda bormoqda.