Ermatov bu mavsumda ilk marta "Lokomotiv"ning o'yinida ishlaydi

Toshkentlik referi yozda Rossiyada o'tgan mundial o'yinlarida qatnashganini yaxshi bilasiz. JCH rekordchisi bu mavsumda hali "Lokomotiv"ning birorta bahsini boshqarmadi. So'nggi marta u o'tgan yilgi O'zbekiston kubogining yarim finali doirasida "Lokomotiv"ning uchrashuvida ishlagan va unda "temiryo'lchilar" "Nasaf"ni 3:1 hisobida mag'lub etishni uddalagandi. O'tgan mavsumda "Loko" O'zbekiston kubogini qo'lga kiritgandi.

Ermatov shu kunga qadar "Lokomotiv" ishtirokidagi 30 bahsni boshqarib borgan. SHulardan 1tasi O'zbekiston kubogi, yana ikkitasi esa Superkubok o'yinlaridir. Qizig'i shundaki, u Oliy ligada ilk marta "Lokomotiv"ning o'yinini boshqarganida, "temiryo'lchilar" "Bunyodkor" bilan bahs olib borgandi. Unda "qaldirg'ochlar" 4:0 hisobida g'alabaga erishishgan. "Lokomotiv" Ermatov boshqargan 30 o'yinning 18tasida (6 marta yirik hisobda) g'oliblikka erishgan bo'lsa, 9tasida yutqazib qo'ygan. 3 uchrashuvda g'olib aniqlanmagan. To'plar nisbati - 63:36. Bosh hakam 121 marta sariq, 3 marta qizil kartochkalarga murojaat qilgan.

Ravshan Ermatov bu mavsum Superliganing 12 uchrashuvida hakamlik qildi. SHularning 6tasida mezbonlar, 4tasida mehmonlar g'alabaga erishishgan bo'lsa, 2 bahsda durang qayd etilgan. U 52 marta sariq, 1 marta qizil kartochkani cho'ntagidan chiqargan.

Ermatov shu kunga qadar "Lokomotiv" va "Bunyodkor" jamoalarining 6 o'zaro to'qnashuvini boshqarib borgan. Unda quyidagi natijalar qayd etilgan.

01/07/16 Oliy liga. "Lokomotiv" - "Bunyodkor" 0:0 (6 ogohlantirish)
13/04/15 Oliy liga. "Lokomotiv" - "Bunyodkor" 3:0 (4 ogohlantirish, 1 chetlatish)
07/03/14 O'zbekiston superkubogi. "Bunyodkor" - "Lokomotiv" 2:1 (8 ogohlantirish)
04/07/13 Oliy liga. "Bunyodkor" - "Lokomotiv" 1:1 (6 ogohlantirish)
08/10/12 Oliy liga. "Lokomotiv" - "Bunyodkor" 3:1 (4 ogohlantirish)
09/04/10 Oliy liga. "Lokomotiv" - "Bunyodkor" 0:4 (3 ogohlantirish)