Eldor SHomurodov: "SHackix rekordini yangilashga etibor qaratyapman"

O'yin haqida

— Ilk navbatda sovuq ob-havo bo'lishiga qaramasdan, stadionga tashrif buyurgan muxlislarga minnatdorchilik bildiraman. Birinchi bo'limda o'zimizni har tomonlama ko'rsata oldik, deb o'ylayman. O'ylagan rejalarimiz amalga oshdi. Gol urishga ham erishdik. Ikkinchi bo'limda esa himoyaga ko'proq etibor qaratdik. Hisobda oldinda borayotganimizda, asosan, gol o'tkazmaslikka harakat qildik. SHunga qaramay, hali kamchiliklarimiz bor, ularni tuzatish ustida ishlaymiz. Qozog'iston terma jamoasi ham bugun yaxshi o'yin namoyish etdi. 

— Terma jamoada to'p kiritish bo'yicha SHackixning rekordini yangilash uchun bitta gol qoldi. Bunga qanday munosabat bildirasiz?

— Albatta, bu hodisa tarix sahifalaridan o'rin oladi, shu bois bunga etibor qaratyapman. Rekordni yangilay olsam, uyog'i engilroq bo'ladi deb o'ylayman.

— Oldinda Rossiyaga qarshi uchrashuv kutib turibdi...

— O'ylashimcha, Rossiyaga qarshi bugungidan ham qiyinroq bahs o'tkazamiz. Sababi ular nafaqat jismoniy, balki taktik jihatdan ham ancha kuchli jamoa sanaladi. Lekin o'rtoqlik o'yinida o'zimizni yaxshi tomonlama ko'rsatishga harakat qilamiz", dedi "Roma" hujumchisi.