Eldor SHomurodov: "Saudiya Arabistonidan uchralgan mag'lubiyatdan so'ng yuzimiz yorug' bo'lishi kerak edi"
19 noy 2019 19:07
Yangiliklar

Eldor SHomurodov: "Saudiya Arabistonidan uchralgan mag'lubiyatdan so'ng yuzimiz yorug' bo'lishi kerak edi"

JCH-2022 va OK-2023 saralashi doirasidagi O'zbekiston - Falastin (2:0) bahsidan so'ng terma jamoamiz hujumchisi Eldor SHomurodov o'yin haqida fikrlarini bildirib o'tdi.

- Birinchi o'yinda bizga nimalar etishmadi deb o'ylaysiz?

- Birinchi uchrashuv uchun bahona qilib bo'lmaydi. To'g'ri, u erdagi qulayliklar yaxshimas edi, ammo yakkakurashlarda imkoniyatni boy bergan edik.

- Bugungi ajoyib g'alabadan so'ng nimalar deya olasiz?

- Falastinga qarshi o'yinda ko'proq gol urishimiz kerak edi va Saudiya Arabistonidan uchralgan mag'lubiyatdan so'ng yuzimiz yorug' bo'lishi kerak edi. Bugun o'yinda ko'plab vaziyatlar bo'ldi. Muhimi g'alaba deb o'ylayman.

- 80-daqiqadan so'ng o'yinimiz qovushmadi. Bunga nima sabab bo'ldi deb o'ylaysiz?

- Bugun baribir yaxshiroq o'ynadik. To'pni ko'proq o'zimizda saqlab o'ynadik. Saudiya Arabistoni bilan o'yinda aynan shu narsa bizda o'xshamagan edi.

Havola :

Manba : Sport telekanali

Yangiliklarni Telegramda o'qing!

Reyting: +30