Rasman: Nkunku "Chelsi"dan "Milan"ga o'tdi

Italiya klubi 27 yoshli forvard transferini rasman elon qildi.

Futbolchi bilan kelishuv 2030 yilning 30 iyuniga qadar mo'ljallangan. Kristofer Nkunku "rossonerilar" safida 18-raqamda harakat qiladi.

Avvalroq, "Milan" futbolchi uchun 37 million evro to'lashi, bu miqdor bonuslar bilan esa 42 million evrogacha ko'tarilishi mumkinligi xabar qilingandi.

Nkunku 2023 yilning iyulidan buyon "Chelsi" sharafini himoya qilib kelayotgandi. London klubi uni "Leypcig"dan 60 million evroga sotib olgandi.

Umuman olganda, futbolchi "Chelsi" safida 62 ta o'yinda maydonga tushib, 18 ta gol urgan va 5 ta golli uzatmani amalga oshirgan.