Edgar Gess: "Bir qator futbolchilarga javob berdik"

Unda murabbiy jamoani tark etgan va yangi kelishi kutilayotgan futbolchilar haqida o'z fikrlarini bildirdi.

- Bir qator o'yinchilarga bilan aloqani uzib ularga javob berdik. Aziz G'ulomxo'jaev, Georgi Kvesieshvili, Feruz Boboqulov, Elyor Akbarov, Ilya Ilin va Andrey Akopyanc singari futbolchilar bilan xayrlashdik. Bu futbolchilarga birinchi davrada imkoniyat berdik, lekin ular kutilgan darajada to'p tepa olishmadi. SHu bois ularning o'rniga boshqa o'yinchilarni olishga qaror qildik.

- Yangilar haqida aytsam, Moldaviyadan legioner Dmitriy Popovichni taklif qildik. U himoya chizig'ida harakat qiladi va ayni paytda ko'rikdan o'tmoqda. Undan tashqari "Xotir-79"dan Sanjar Asqaraliev, "Mashal"dan Otabek Narzullaev, "Neftchi"dan Otabek Isroilov hamda Ruslan Boqiev kabi yangi o'yinchilarni taklif qildik. Ular CHimyondagi yig'inimizda ishtirok etishdi.


B.Tursunov yozib oldi.