Dostonbek Hamdamov: “Futbolchilar topshiradigan normativlar dunyo amaliyotida bor”

“O'zbekiston Futbol Federaciyasi hamda O'zbekiston Professional Futbol Ligasi tomonidan ishlab chiqilgan bir qator islohotlar haqida aytishim mumkinki, bu o'zbek futboli uchun faqat foyda. Ilgarilari ham normativ topshirar edik. Ammo, bu normativlar nazoratga olinmas edi, aytishim mumkin, hozirgi test normativ jarayoni O'FF mutaxassislari tomonidan nazorat qilinsa, bunga futbolchi va murabbiylar biroz jiddiy etibor beradilar”, - deydi Hamdamov.

“Normativlar dunyo amaliyotida bor va bunga oddiy hol sifatida qarash mumkin. Ammo, uni nazorat qilib borish va futbolchilar o'z jismoniy holatlari haqida malumot olishlari ham muhim”.

“Umuman olganda, bu yilgi Superliga bahslari juda keskin va qiziqarli tarza kechishi aniq. Muxlislarning ham talab va istaklari hisobga olingan deb o'ylayman. Ular ham kuchli va keskin tarzda o'tkaziladigan uchrashuvlarni tomosha qilishni xohlaydilar. Bu shuningdek, futbolchilar uchun ham o'ziga hos sinov va raqobatdir. Endilikda, barcha musobaqaga jiddiy qaraydi. Markaziy uchrashuvlar ko'payadi, bu esa chempionat saviyasi o'sishiga ijobiy tasir qiladi”, - deydi Dostonbek Hamdamov.