Diyor Mirzaboev: "Kim gol ursa yutib ketadigan o'yin bo'ldi"

Unda ishtirok etgan "Andijon" jamoasi katta murabbiyi Diyor Mirzaboev quyidagi fikrlarni bildirdi.

- Balki bugungi uchrashuvda "Mashal" ko'proq hujum qilgandir, lekin biz ham qarab turmadik va oxirigacha kurashdik. Kim gol ursa yutib ketadigan o'yin bo'ldi. Har ikki jamoada etarlicha vaziyatlar bo'ldi. Maydonda ikkita teng kuchli jamoa o'zaro bahs olib bordi deb o'ylayman.

- Jamoa hujumida nega faqat qanotdan to'p oshirishlar kuzatildi? Markazdan foydalansa ham bo'lardi-ku.
- Siz markaz bo'ylab kombinacion hujumni nazarda tutyapsiz-a? Bugungi o'yinga qo'yilgan taktika ham aslida qanotdan hujum qilish edi. SHu bois Jamshid Hasanov bilan Doniyor Abdumannopovni qanotlarga qo'ydik. Ular tezlik evaziga yordam berishi kerak edi. Lekin jamoamiz markazdan ham o'ynashni biladi. Har bir o'yin uchun alohida taktika ishlab chiqamiz.