"Dinamo"ga qarshi o'yinda shikastlangan Jasur Yaxshiboev jarohati haqida gapirdi

Eslatib o'tamiz, ushbu bahsning 40-daqiqasida jarohat oldi va almashtirildi. Uni zambilda maydondan olib chiqishdi. O'yindan keyin uning holati haqida futbolchining o'zidan fikr oldik. 

"Biz chempionlik uchun kurashyapmiz, shu bois, bugungi o'yinda g'alaba qozonishimiz shart edi. Uch ochkoni qo'lga kiritish uchun qo'ldan kelgancha harakat qildik va haqli g'alaba qozondik deb o'ylayman. 

Jarohatim haqida bir nima deya olmayman. Endi tibbiy tekshiruvlardan o'tishim kerak, shundan so'ng shifokorlar jarohatimning qay darajada jiddiy ekanligini aniqlab beradi.

Oldinda beshta o'yin bor. SHunday ekan, qaysi jamoaning chempion bo'lishi nomalum. Biz esa barcha o'yinlarda g'alaba qozonishga harakat qilamiz. "Nasaf"ning ham ochko yo'qotishini kutamiz. Agarda ular ochko yo'qotmasa, chempionlik imkoniyati yuqori bo'ladi. 

Biz ham Superliga, ham O'zbekiston kubogini qo'lga kiritish uchun bor imkoniyatni ishga solamiz", — dedi "Navbahor" yarim himoyachisi.

Eslatib o'tamiz, Namanganda kechgan bahsda "Navbahor" 2:0 hisobida zafar quchdi.