Dilyaver Vaniev: "Bugun yigitlardan ko'prog'ini kutgandim"

Dilyaver Vaniev: "O'yinga jiddiy tayyorgarlik ko'rgandik. To'g'risini aytsam, bugun yigitlardan ko'prog'ini kutgandim, biroq ularga etirozim yo'q. Mavsum qiyin o'tdi, futbolchilarda charchoq alomatlari sezilib turdi. 2020 yilgi mavsum ortda qoldi, tez orada yangisiga tayyorgarlikni boshlaymiz. Rahbariyat kim qolishi va ketishini hal qilishi kerak, chunki futbolchilarimizga talab bor. Klub rahbariyatidan minnatdorman. Yakunlangan mavsumda ko'proq akademiyamiz vakillaridan foydalandik, shunga majbur edik. Legionerlar haqida bir narsa deyishim qiyin, chunki klubning moliyaviy holatidan xabarim yo'q. Buni rahbariyat hal qiladi. Albatta, legionerlar bilan ishlashda davom etishni istagan bo'lardim, biroq buni "kattalar" bilan muhokama qilamiz".