Dide Desham Franciya termasini 2026 yilgacha boshqaradi

Franciya Futbol Federaciyasi Dide Desham bilan hamkorlikni davom ettirishini elon qildi. Mutaxassisning endigi shartnomasi 2026 yilning iyun oyigacha mo'ljallangan.

Desham "uch ranglilar" terma jamoasini 2012 yilda qabul qilib olgan edi. Uning boshchiligida mamlakat bosh jamoasi 2018 yilgi Jahon chempionati va 2021 yilgi Millatlar Ligasida g'olib bo'ldi, shuningdek, ular 2016 yilda Evropa chempionati va 2022 yilda Jahon chempionati finaliga qadar etib bordilar.

Desham qo'l ostida terma 139 ta o'yin o'tkazdi va 89 ta o'yinda g'alaba qozonib, 22 ta o'yinda mag'lub bo'ldi.