Denis Korostichenko: "Lokomotiv"dan istefoga chiqarilishim - adolatli"

Eslatib o'tamiz, "temiryo'lchilar" bugun Korostichenko va uning yordamchisi Andrey Miklyaevning istefosini elon qilishdi.. Denis Korostichenko bundan buyon "Lokomotiv" bolalar futbol maktabi tizimida faoliyat olib boradi.

"Barchasi adolatli. Jamoaning natijalari yaxshi emasdi. Bu qarorni "Lokomotiv" rahbariyati qabul qildi va men bunga qo'shilaman. Afsuski, birinchi davrada yaxshi natija ko'rsata olmadik. Ishonch va "Lokomotiv"da ishlash imkoniyati uchun klub va shaxsan To'labek Abrorovich Akramovga minnatdorchilik bildiraman. Klubga, ayniqsa men bilan ishlagan futbolchilarga omad tilayman. Umid qilamanki, ularda kelajakda ko'plab g'alabalar bo'ladi!", — deydi mutaxassis.

Denis Korostichenko 2019 yildan beri "Lokomotiv"da ishlamoqda. U avvaliga jismoniy tayyorgarlik bo'yicha murabbiy va vaqtinchalik bosh murabbiy vazifasini bajaruvchi bo'lgan, shundan so'ng esa jamoani rasman qabul qilib olgan edi. "Temiryo'lchilar" ayni damda Superligada 9-o'rinni egallab turishibdi.

Eslatib o'tamiz, bundan biroz oldin "Eshitdik-da!" rukni orqali Server Jeparov Toshkent klubi bosh murabbiyi etib tayinlanganini malum qilgan edik.

NIKOLAY EGORICHEV