Coca Cola Superliga. Bugun Qarshidagi "Markaziy"da markaziy o'yin, bosh murabbiyni o'zgartirgan "Navbahor" Toshkentda mehmon, debyutant Jizzaxda o'ynaydi

Coca Cola Superliga, 2-tur. 

LOKOMOTIV – NAVBAHOR
14 mart 2021 yil. Toshkent. "Lokomotiv" stadioni. 16:15
Hakamlar: Zokir Qodirov, Abduhamidullo Rasulov, Olim Abduvosilov, Farruh Yansupov
Nazoratchi: Bobur Haydarov
VAR hakami: Firdavs Norsafarov
VAR assistentlari: Baxtiyorxo'ja SHavkatov, Edita Mirabidova
VAR nazoratchisi: Farhod Abdullaev
Operator: SH. Janaliev
Komissar: Laziz Qo'chqorov

O'zaro o'yinlar tarixiga nazar solsak ustunlik "Lokomotiv" tomonida ekanini ko'rish mumkin. "Temiryo'lchilar" 20ta o'yinda zafar quchishgan, 9ta uchrashuvda "lochinlar"ning qo'li baland kelgan. Qolgan beshta bahsda jamoalar murosa ko'chasini tanlashgan.

Toshkentda o'tgan oxirgi 10ta o'yinning barchasida "Lokomotiv" bu jamoani mag'lub etgan. "Navbahor" o'z tarixida bir marta ushbu raqib maydonida (2010 yilgi mavsumda) g'alabaga erishgan.

2021 yilgi mavsumni "Lokomotiv" Olmaliqda boshladi va 1:2 hisobida mag'lub bo'ldi. "Navbahor" dastlabki turni o'z maydonida "So'g'diyona"ga qarshi o'tkazdi va 0:1 hisobida imkoniyatni boy berib qo'ydi. Ushbu mag'lubiyatdan so'ng "lochinlar" bosh murabbiyi No'mon Hasanov istefoga chiqarildi. Uning o'rnini Viktor Jalilov egalladi.

SO'G'DIYONA – TURON
14 mart 2021 yil. Jizzax. "So'g'diyona" stadioni. 17:00
Hakamlar: Viktor Serazitdinov, Anvar Marajabov, Ziyodulla Abdurahmonov, Asker Najafaliev
Nazoratchi: Rashid Aytekov
Komissar: Aleksandr Davidenko

Ushbu jamoalar O'zbekiston chempionatida hozirga qadar umuman to'qnash kelishmagan. Bugungi bahs dastlabki rasmiy o'yin bo'ladi.

Birinchi turda "So'g'diyona" Namanganda "Navbahor"ni 1:0 hisobida mag'lub etdi. SHohruz Norxonov gol urishga erishdi. Superliga debyutanti "Turon" esa o'z maydonida "Qo'qon-1912"ni qabul qilib 1:2 hisobida yutqazdi. Mazkur bahsda yaypanliklar safida Jasur Hakimov to'p kiritdi.

NASAF – AGMK
14 mart 2021 yil. Qarshi. "Markaziy" stadioni. 18:30
Hakamlar: Axrol Risqullaev, Rishat Nugmanov, Doniyor Saylavov, Rustam CHoriev
Nazoratchi: Dmitriy Roman
Komissar: Jahongir Rahmatullaev

"Nasaf" va AGMK O'zbekiston chempionatida bugungacha 28 marta o'zaro o'yin o'tkazishgan. "Ajdarlar" hisobida 14ta g'alaba mavjud, 5 bor olmaliqliklar 3 ochkoni qo'lga kiritishgan. Qolgan 9ta o'yinda tomonlar murosa ko'chasini tanlashgan.

AGMK mavsumni o'z maydonida "Lokomotiv"ga qarshi o'yindagi g'alaba bilan (2:1) boshlagan bo'lsa, "Nasaf" ilk turni o'z maydonida "Paxtakor"ga qarshi o'tkazib, 2:3 hisobida mag'lub bo'ldi.