CHeran "Navbahor" va "Nurafshon"ni "sevadi"
07 noy 2021 10:32
Yangiliklar
CHeran "Navbahor" va "Nurafshon"ni "sevadi"
Yana ham aniqroq gapirsak, yurtimizga 2016 yilning yozida kelgan serbiyalik futbolchi O'zbekiston chempionatlaridagi 138-o'yinida 96 hamda 97-gollarini raqib darvozasiga joylab qo'ydi.
Termiz klubiga qarshi kechgan uchrashuvdagi dubl Dragan uchun Superligadagi 15-si bo'ldi (7 tasi "Nasaf", qolgan 8 tasi "Paxtakor" libosida urilgan).
"SHerlar" etakchisi Namanganning "Navbahor" klubiga qarshi o'ynashni yaxshi ko'radi. U "Lochinlar"ga qarshi uchrashuvlarda 4 bor dublni rasmiylashtirgan. CHerandan 1 o'yinda 2 ta gol o'tkazib yuborgan jamoalar ro'yxati bilan tanishing.
"Navbahor" | 4 |
"Lokomotiv" | 2 |
"Metallurg" | 2 |
"Neftchi" | 1 |
"So'g'diyona" | 1 |
"Paxtakor" | 1 |
"Qizilqum" | 1 |
"Buxoro" | 1 |
"Bunyodkor" | 1 |
"Surxon" | 1 |
SHuningdek, uning hisobida Superliga bahslarida rasmiylashtirilgan 5 ta xet-trik bor. 34 yoshli futbolchi "Nurafshon" (2 bor), "Andijon", "Nasaf" va "Qizilqum" darvozasiga 90 daqiqa ichida 3 ta gol urishni uddalagan.
Fakt: Dragan Superliga doirasida to'qnash kelgan barcha - 19 raqibining golkiperlarini ranjitgan. Uning zarbalaridan eng ko'p Buxoro viloyatining bosh jamoasi aziyat chekkan. "Navbahor" va "Lokomotiv" singari "sherlar"ning azaliy raqiblari esa kuchli uchlikda.
"Nurafshon" | 12 |
"Navbahor" | 9 |
"Lokomotiv" | 9 |
"Metallurg" | 9 |
"Qizilqum" | 8 |
"Andijon" | 6 |
"Mashal" | 5 |
"Bunyodkor" | 5 |
"Qo'qon-1912" | 5 |
"Surxon" | 5 |
"So'g'diyona" | 4 |
"Obod" | 3 |
"Paxtakor" | 3 |
"Neftchi" | 3 |
AGMK | 3 |
"Nasaf" | 3 |
"SHo'rtan" | 2 |
"Turon" | 2 |
"Dinamo" | 1 |
So'zimiz oxirida keltiradigan malumotimizni termizlik muxlislar o'qisin, ammo yig'lash yo'q: CHeran Superliganing oxirgi 3 mavsumida "Surxon"dan ko'proq gol urdi. Tamom!
Kumikov va Baqoevning seriyasi tugadi, Bekobod osmonidagi "qora bulutlar" tarqamayapti
Fikrlar