"Championat.asia" ekspertlari Superliganing bugungi 2 o'yinida eng yaxshilarni aniqlashdi

Bugungi har ikki o'yinda ham minimal hisob qayd etildi. Vadim Abramov boshchiligidagi "Bunyodkor" jamoasi o'z maydonida Baxtiyor Ashurmatov ustozligidagi "Qo'qon-1912"ni 1:0 hisobida mag'lub etdi. Navoiyda esa Mirjalol Qosimov qo'l ostidagi AGMK yangi bosh murabbiy Tachmurod Agamurodov qo'liga o'tgan "Qizilqum"ni taslim qildi - 1:0.

Har ikkala uchrashuv yakunlanganidan keyin "Championat.asia" ofisida odatdagidek "Tezkor studiya" tasvirga olindi.

Video "Tezkor studiya": "Bunyodkor" va AGMK g'alabaga munosibmidi? Abramov jamoasining muammosi nimada?

Unda oldin xabar berganimizdek yaqin o'tmishning ajoyib futbolchilaridan biri Leonid Koshelev ekspert sifatida qatnashdi. Dastur davomida saytimiz tahlilchilari Leonid Koshelev va Tolibjon Qosimov har ikkala bahsning eng yaxshi o'yinchilarini aniqlashdi.

Professionallik sari qadam — mashhur yulduzlar «CA» va «Tezkor Studiya»da ekspert sifatida ish boshlaydi

"Bunyodkor" - "Qo'qon1912" (1:0) uchrashuvida eng yaxshi futbolchi deb bir ovozdan "qaldirg'ochlar" yarim himoyachisi Rasul Yo'ldoshev tan olindi. Bugun 90 daqiqa to'p tepgan Yo'ldoshev juda yaxshi taassurot qoldirdi va maydon markazi to'lig'icha jamoasi nazoratida bo'lishida katta hissa qo'shdi.

"Qizilqum" - AGMK (0:1) bellashuvida ham Koshelev va Qosimov olmaliqliklar vingeri Elguja Grigalashvilini eng yaxshi deb topishdi. Gruziyalik o'yin davomida juda faol bo'ldi va juda muhim 3 ochkoni olib berdi.

Sizningcha, bugungi ikki uchrashuvda kim eng yaxshi o'yinchi bo'ldi? Fikrlaringizni izohlarda yozib qoldirishingiz mumkin.