“Cementchi” bosh murabbiyi Abdumalik Hakimov istefoga chiqarildi

Yig'ilish kun tartibidan: o'tgan mavsumda jamoa oldiga qo'yilgan vazifalar, yo'l qo'yilgan xatolar va kelgusi mavsumda nazarda tutilgan rejalar hamda vazifalar masalalari ko'rib chiqildi. Yig'ilish davomida jamoa rahbarlari tomonidan o'tgan mavsumda jamoa oldiga ko'yilgan vazifa bajarilmaganligi sababli “Cementchi” jamoasi bosh murabbiyi Abdumalik Hakimov o'z arizasiga binoan istefoga chikarildi.

Hakimovdan istefosi haqida so'ralganda quyidagicha javob berdi:
- Meni rahbariyatga hech qanday etirozim yo'q. O'tgan mavsumda oldimizga qo'yilgan 1-2-o'rinni olish vazifasini uddalay olmadik va men rahbariyatning qarorini hurmat qilaman. Jamoa azolariga esa omad tilayman. Men qaerda bo'lishimdan qatiy nazar ularga doimo muxlislik qilaman, - deydi Abdumalik Hakimov

Eslatib o'tamiz, “Cementchi” jamoasi o'tgan mavsumda “Norin”dan 1 ochko kam to'plagan holda 74 ochko bilan birinchi ligani 3-o'rinda yakunlagan edi.

“Cementchi” matbuot xizmati