"CA"ning davri keldi!

Asosan o'zbek futbolining targ'iboti uchun ixtisoslashtirilgan saytimizning davri keldi. Bugun oliy ligamiz start oladi, ko'p o'tmay 1-liga o'yinlari. Kuni kecha saytimiz binosida kichik yig'ilish bo'ldi va unda yangi mavsum rejalari va ishlari bo'linib olindi. Unga ko'ra, SHahboz Beg'amov Qashqadaryo uchun "javob" beradi. Tolibjon Qosimov esa Toshkentga. Humoyun Dovurov Samarqand va Bekobod. Xayrullo Xoliqovdan eksklyuziv maqolalar, Behzod Nazarovdan ham. Vodiy to'liqligicha Islombek Rustambekov, Komiljon Ikromov va SHuhratbek Jo'raevlar qo'lida. Ulardan o'quvchilarning umidlari katta. Jizzax tomonda hamkorimiz Umid Raimjonov bor. "Olmaliq"ning yangi stadioniga birinchisiga o'zimiz boramiz va u erdan ajoyib videokadrlarni saytimizda ko'rasiz. Yangi stadion ochiladi. Xuddi shunday niyatda 2-turda Farg'onaga safar qilamiz.

Narzulla nima qiladi deysizmi? O'yinlardan jonli reportaj-u, o'yin oldi prevyular uning bo'ynida. Menmi? Men rasm olishdan boshqasini bilmasam kerak. Bu yil rasmlarni kuchaytiramiz. Vodiyga ham bitta fotomuxbir qo'yish niyati yo'q emas. Vohada Sardor Nurov degan ukamiz bor. "Olmaliq"dan Aziz Rahmonov.

Xullas, gapni qisqa qilganda, xorij futboli etar. Endi o'zimizniki keldi. Bir amallab ayiqqa kabi qishdan chiqib oldik, yashasin bahor, yashasin o'zimizning oliy liga. Qani ketdik! Ha, aytganday. "FIFA.uz"da hamon tarkib tuzmadingizmi? 1 soat ham qolmadi-ya!

Nodirxo'ja Yuldashev