"Bunyodkor"ni tark etganlar haqida

Davralar oralig'ida boshqa klublar qatori "Bunyodkor"da ham bir qator o'zgarishlar ro'y berdi. Xususan, bugungi kunga qadar jamoalarimizni to'rt futbolchi tark etdi. Ularning ikki nafari mavsumning ikkinchi qismini ijara asosida boshqa klubda o'tkazsa, qolgan ikki nafari bilan o'zaro kelishilgan holda shartnoma bekor qilindi. Jumladan, bosh jamoamizdan Sardor Azimov "Andijon"ga, "Bunyodkor-2"dan Abbos Jumaqulov "Buxoro"ga ijaraga berildi. Birinchi davrani ijara asosida "Bunyodkor"da o'tkazgan Sergey Proxorov "Lokomotiv"ga qaytib ketdi. Nodir Mavlonov esa "Navbahor" bilan shartnoma imzoladi.

"Bunyodkor" futbol klubi faoliyatini boshqa klubda davom ettirayotgan o'yinchilarga omad tilab qoladi!

Aytish kerak, O'zbekistonda transfer oynasi 5 avgust kuni yopilishini inobatga oladigan bo'lsak, jamoamizda hali yana o'zgarishlar ro'y berishi mumkin.