“Bunyodkor”chilarning mustaqillik tabrigi

O'zbekiston chempionatlarining besh karra g'olibi, mamlakat kubogining to'rt karra sohibi, Osiyo CHempionlar ligasining ikki karra yarim finalchisi Toshkentning “Bunyodkor” futbol klubi Sizni eng aziz va ulug' bayramimiz – O'zbekiston mustaqilligining 23 yilligi munosabati bilan samimiy muborakbod etadi!

Yurtimizning 23 yillik to'yi munosabati bilan “qaldirg'ochlar”ning 23 yoshli etakchilari Sardor Rashidov va Alibobo Rahmatullaev o'zining bayram tabriklarini izhor etib, barcha yurtdoshlarimizni Istiqlol bilan muborakbod etadi.

Sardor RASHIDOV (“Bunyodkor” FK yarim himoyachisi):
- 1 sentyabr arafasida diyorimiz yanada chiroy ocha boshlaydi. Yurtimiz ko'chalarida haqiqiy bayram nafasi hukm suradi. Barcha hamyurtlarimizni ko'tarinki kayfiyatda uchratasiz. Fursatdan foydalanib, hamma o'zbekistonliklarni bayram bilan qutlayman! Barchaga sihat-salomatlik, baxt-saodat tilab qolaman!

Jannatmakon O'zbekiston zaminida tavallud topganim uchun Yaratganga doimo shukr qilib yashayman. Yurtimiz dovrug'ini yanada oshirish, bayrog'imizni bundan-da yuqori cho'qqilarga olib chiqish uchun qo'limdan kelganicha harakat qilaman.

Alibobo RAHMATULLAEV (“Bunyodkor” FK yarim himoyachisi):
- “Bunyodkor” futbol klubi hamda shaxsan o'z nomimdan barcha yurtdoshlarimizni yaqinlashib kelayotgan Mustaqillik kuni bilan tabriklayman! Barchaga tinchlik-totuvlik, omad va olam-olam quvonchlar tilayman!

Istiqlol bayrami hayotimizdagi eng katta ayyom, degan fikrimga barcha vatandoshlarimiz qo'shilsalar kerak. Hamisha ishingiz baroridan kelsin, azizlar! Hammangizning barcha orzu-umidlaringiz ushalishini tilagan holda, O'zbekistonni bayram shukuhi hech qachon tark etmasin, degan niyatdaman!

Yurtimiz futbolini xalqaro arenalarda o'z o'rniga ega bo'lishi va yuksak marralarni zabt etishida bor kuch mahoratimni ishga solishga tayyorman.