“Bunyodkor” telegramda!

Butun dunyoda yuz berayotgan eng so'nggi yangiliklar birinchilardan bo'lib aynan ijtimoiy tarmoqlar orqali ommalashayotgani va bu xabarlarni uyali telefon yoki shu kabi boshqa moslamalar orqali kuzatib borish kundan-kunga avj olayotgani sir emas.

“Bunyodkor” futbol klubining ijtimoiy tarmoqlardagi sahifalari endi yana bittaga ko'paydi. Bizga befarq bo'lmagan muxlislarimiz endi instagram, twitter, facebook, youtube, mytube kabi zamonaviy tarmoqlardan tashqari hozirgi kunda keng ommalashgan telegram ijtimoiy tarmog'i orqali ham “Bunyodkor” FKda yuz berayotgan yangiliklarni kuzatib borishlari mumkin.

“Bunyodkor” FKning telegramdagi rasmiy kanali – @Bunyodkor_Club nomi ostida yaratilgan. Rasmiy kanalimizga azo bo'ling va klubimizga oid yangiliklarni birinchilardan bo'lib kuzatib boring.