“Bunday “Bavariya”ga ko'nikolmayman

“Men jamoa bilan bungacha olib borgan barcha muzokaralarim ochiq va samimiy kechgan. Hech bir jihat chetda qolmagan. Ammo hozirda OAVda men bilan bog'liq bir qator masalalar muhokama qilinmoqdaki, bularning aksariyati yolg'ondan iborat. Bu meni asabimga tegmoqda. Men bunday “Bavariya”ga o'rganmanganman.

Men formada ekanman, ko'proq maydonga tushishni istayman. Eng muhimi menga bo'lgan ishonch. Menga klub tomonidan besh yillik shartnoma taklif qilinayotgani bu xomxayol. Hozir 34 yoshdaman. 39 yoshda qanday holatda bo'lishimni bilmayman. SHu sabab OAVlarda bu haqda tarqatilayotgan xabarlarda hech qanday mantiq yo'q.

Men uchun doimo klub rahbariyati va ishchi xodimlarining ishonchi birinchi o'rin bo'lib kelgan. Men ham darvozabon va jamoa sardori sifatida klubga sodiqman”, deya Noyerning so'zlaridan iqtibos keltirmoqda Bild nashri.

Noyerning myunxenliklar bilan amaldagi shartnomasi 2021 yilning yozida nihoyasiga etadi. Joriy mavsumda futbolchi “Bavariya” safida barcha turnirlarda 37 ta uchrashuvda maydonga tushib, o'z darvozasidan 38 ta to'p o'tkazib yuborgan. 15 ta uchrashuvda esa o'z darvozasi daxlsizligini saqlab qolgan.