Bugun futbol. "Dinamo" - "Navbahor"

Samarqandning "Dinamo" klubi o'z maydonida "Navbahor"ni qabul qiladi. Turnir jadvalida har ikki jamoa 7 ochko bilan yonma-yon o'rinlarni egallab turibdi. Bugun "Dinamo" o'z maydonida to'rtinchi uchrashuvini o'tkazadi. Davron Fayziev shogirdlari bungacha ikki bor g'alabaga erishib, bitta durang qayd etishdi. Jamoaning ikkita mag'lubiyati faqat safar o'yinlarida qayd etildi. 

Bilasizmi? "Dinamo" oxirgi ikkita uy uchrashuvini g'alaba bilan yakunladi. Jamoa "Metallurg" (2:1) va "So'g'diyona"dan (1:0) ustun keldi. 

Safarda bungacha bitta mag'lubiyat va bir g'alaba qayd etgan "Navbahor" bugun uchinchi o'yinini o'tkazadi. Qarshida "Nasaf"ni 1:0 hisobida mag'lub etib qaytgan Kanchelskis shogirdlari o'tgan turda "Surxon" darvozasiga javobsiz uchta to'p kiritishdi. Demak, "Navbahor" oxirgi ikki o'yinda o'z darvozasidan gol o'tkazmadi. 

2017 yil. "Dinamo" - "Navbahor" 0:1

2015 yil. "Dinamo" - "Navbahor" 2:1 

2014 yil. "Dinamo" - "Navbahor" 2:0 

2013 yil. "Dinamo" - "Navbahor" 1:1 

2012 yil. "Dinamo" - "Navbahor" 2:0 

Samarqandda o'tkazilgan oxirgi beshta o'yinda "Navbahor" faqat bir marta g'alaba qozongan. Uchta o'yinda maydon egalarining qo'li baland kelgan va bir uchrashuv durang bilan yakun topgan. Oxirgi besh uchrashuvda "Dinamo" raqib darvozasiga 7ta gol urib, o'z darvozasidan 2ta to'p o'tkazib yuborgan. 

Bugungi bellashuvda imkoniyat "Navbahor"da ko'proqdek ko'rinmoqda. CHunki jamoa o'z tarkibini ancha shakllantirib oldi. SHuningdek, "Navbahor"da o'yin saviyasi ham birmuncha yuqori. Lekin "Dinamo" o'z uyida to'p tepadi, bu esa uchrashuv ancha jangovor kechishini anglatadi.