Bu qiziq! Kim buni yana uddalaydi: "Barselona" yoki "Ayaks"?

Joriy mavsum to'qqizinchi marotaba "oltin xet-trik" rasmiylashtirilishini ko'ramizmi?

Ayni paytda Evropada faqatgina ikkita jamoada mazkur imkoniyat saqlanib qolgan. Bu jamoalar ECHL yarim finalining dastlabki o'yinlarida g'alaba qozongan "Barselona" va "Ayaks".

Qizig'i, mazkur jamoalar avval ham "oltin xet-trik" qayd etishgan. "Barselona" ikki bor treblga erishgan bo'lsa, "Ayaks" 1972 yili uchta frontda g'olib chiqqan.

Trebl qayd etgan jamoalar ro'yxati:

1966/67: "Seltik"*

1971/72: "Ayaks" 

1987/88: PSV

1998/99: "Manchester Yunayted"

2008/09: "Barselona"

2009/10: "Inter"

2012/13: "Bavariya"

2014/15: "Barselona"

Trebl qayd etish imkoniyatiga ega jamoalarning uchta frontdagi holati:

"Ayaks"

Evropa CHempionlar ligasi: yarim final, "Tottenxem"ga qarshi (birinchi uchrashuvda mehmonda g'alaba qozondi 1:0, javob o'yini 8 may, uyda)

Gollandiya chempionati: 1-o'rin, PSV bilan teng ochko

Gollandiya Kubogi: final, "Villem" jamoasi bilan. O'yin 5 may kuni o'tkaziladi (Rotterdam)

"Barselona"

Evropa CHempionlar ligasi: yarim final, "Liverpul" (birinchi o'yinda yirik g'alaba 3:0, javob uchrashuvi 7 may kuni - mehmonda)

La Liga: chempion

Ispaniya Kubogi: final, "Valensiya" bilan 25 may kuni o'tkaziladi

* Liga Kubogi musobaqa malum chempionatlarda o'tkaziladi. Kuchli-beshlik chempionatlari ichidan Angliyada. "Seltik" 1966/67 yilgi mavsumda SHotlandiyada chempion, kubok sohibi va liga kubogiga egalik qilgan va Evropa chempionlar kubogida zafar quchib,  futbol tarixida "oltin poker" qayd etgan yagona jamoaga aylandi.

"Oltin xet-trik", yani trebl qayd etish uchun milliy chempionat, mamlakat kubogi va evrokubokda g'olib chiqish talab etiladi.