"Bolonya" himoyachisini "Arsenal"ga sotishdan bosh tortdi

"Bolonya" himoyachisi Rikkardo Kalaforini "Arsenal"ga sotishni xohlamadi. Bu haqda "Corriere dello Sport" xabar bermoqda.

"Kanonirlar" futbolchi uchun 47 mln evro taklif qilgan. "Rossoblu" ushbu taklifni rad etgan. Italiyaliklar futbolchini kamida 50 mln evroga baholamoqda.

"Kanonirlar" rad javobiga qaramay, transfer ustida ishlashda davom etadi. Klublar o'rtasidagi muzokaralar davom etmoqda.

Kalafori "Bolonya"da 1 mavsum o'ynadi. 22 yoshli markaziy himoyachi o'tgan mavsum A Seriyada 30 ta o'yin o'tkazib, 2 ta gol urdi va 5 ta golli uzatmani amalga oshirdi.