Belarus chempionatining eng yaxshi o'yinchisi Bobir Abdixoliqovning transfer narxi ko'tarildi

CHempionatning 391 nafar o'yinchisi yangi ko'rsatkichlarga ega bo'ldi, ammo biz eng muhim o'zgarishga etibor qaratamiz.

"Energetik-BGU" tarkibida mavsumning asosiy kashfiyotlaridan biri bo'lgan Bobir Abdixoliqov faoliyatidagi eng sermahsul (32 o'yinda 27 gol va 8 golli uzatma) mavsumni o'tkazdi. Hujumchi 1 million evro bilan eng qimmat futbolchilar uchligidan joy oldi va haqli ravishda Qozog'iston (2:0) va Rossiya (0:0) bilan kuzgi o'yinlarda terma jamoaga uzoq kutilgan chaqiruvini oldi.

Undan oldinda hozir erkin agentga aylangan "SHaxtyor" Soligorsk sobiq himoyachisi Nikola Antich (1,2 million evro) va BATE mudofaa vakili Yakov Filipovich (1,2 million evro) bormoqda.

Malumot o'rnida, 25 yoshli hamyurtimizning 6 oy oldingi transfer narxi 800 ming evroni tashkil qilgan edi.

Bobir Abdixoliqov - Belarus chempionatining eng yaxshi futbolchisi! U 4ta nominaciyada g'olib bo'ldi