Bobir Abdixoliqov - Belarus chempionatining eng yaxshi futbolchisi! U 4ta nominaciyada g'olib bo'ldi
28 noy 2022 23:22
Yangiliklar

Bobir Abdixoliqov - Belarus chempionatining eng yaxshi futbolchisi! U 4ta nominaciyada g'olib bo'ldi

Teglar : Bobir Abdixoliqov "Energetik-BGU"

Bir necha daqiqa oldin Belarus chemponatining eng yaxshilarini taqdirlash marosimi yakuniga etdi.

Unda joriy mavsum "Energetik-BGU" sharafini himoya qilgan hamyurtimiz Bobir Abdixoliqov ham taqdirlandi.

Belarus chempionatining 2022 yilgi mavsumida 26ta gol bilan mavsum to'purariga aylangan va jamoasining g'alabalariga katta hissa qo'shgan Abdixoliqov liganing eng yaxshi futbolchisi deb topildi va unga maxsus sovrin topshirildi.

Bundan tashqari Bobir chempionatning eng yaxshi hujumchisi, to'purar sovrinlarini qo'lga kiritdi va liganing "A" ramziy terma jamoasidan joy oldi. Bu termaga "Energetik-BGU"da o'ynagan yana bir futbolchimiz, Abduqodir Husanov ham kiritildi. SHu bilan birga Bobir liganing eng foydali futbolchisi deb ham topildi.

Eslatib o'tamiz, "Energetik-BGU" mavsumni 2-o'rinda tugatdi. SHu tariqa, minskliklar Evropa Konferenciyalar Ligasi saralashida qatnashish huquqini qo'lga kiritdi.

Taqdirlash marosimidan olingan videolarni TELEGRAM kanalimizda ko'rishingiz mumkin.